Water Pollution

                

                Ang Pilipinas ay isang arkipelago na binubuo ng libu-libong mga isla. Bukod sa pagtatanim, nabubuhay ang PIlipinas sa pangingisda.

http://www.wannadive.net/spot/Asia/Philippines/map/map_Philippines_Wannadive.n.gif

                Napapalibutan ang bansa ng tubig, na siyang naging daan para makilala ang Pilipinas bilang isang fishing country. Maraming iba’t ibang uri ng isda na matatagpuan lamang sa bansa; marami ding mga endangered species na hindi matatagpuan sa ibang lugar. Maraming ibang bansa sa buong mundo ang kulang o di kaya ay malayo sa mga katubigan, ngunit ang PIlipinas ay walang kakulangan dito.

http://boracayisland.org/wp-content/uploads/2014/05/banner-21.jpg

                Ngunit sa kabila ng mga kakaiba at magagandang mga bagay na ito, hindi pa rin napipigilan ang paninira, pambababoy at pagdumi sa mga yamang-tubig na ito. Dahil sa kakulangan ng pagpapatupad ng proteksyon sa mga yamang ito, 52% ng groundwater sa Pilipinas ay kontaminado na. Ayon sa pag-aaral, malaki ang bahagi ng mga domestic at industrial waste na nanggagaling sa mga pabrika. 1/3 lamang ng mga river systems sa PIlipinas ang magagamit para sa tubig na pang-inom.

                Dahil sa kalagayan ng mga katubigan sa Pilipinas, naapektuhan hindi lamang ang pangingisda ng bansa, kung hindi pati ang turismo ng bansa. Malaki ang bahagi ng kagandahan ng katubigan ng PIlipinas sa pag-akit ng mga turista sa bansa. Naghahanap ang mga turista ng mga magaganda at kaakit-akit na lugar upang makapag-pahinga, ngunit hindi nila ito mahahanap kung puro basura ang mga katubigan na dapat ay nililinis natin.

http://www.celsias.com/media/uploads/admin/waterborne_diseases.jpg

                Bukod dito, nakaaapekto din ang polusyon sa mga naninirahang isda. Malaking bahagi ng pagkaing Filipino ang mga isda. Marami din ang nabubuhay na iyon ang nakakain, sapagkat mas mura ito kumpara sa manok o baboy. Nalalason ang mga isda, nababawasan ang pwedeng kainin, at tumataas ang bilihin. Konektado ang lahat ng mga ito, at dapat na makontrol ng gobyerno.

                5% lamang ng populasyon ng Pilipinas ang nakakkonekta sa isang sewer system. Karamihan ay nakakonekta sa mga septic tanks. Dahil bihira ang mga disposal facilities dito sa PIlipinas, madalas ay nailalabas ang mga dumi sa mga katubigan na hindi nalilinis.

                Kung nais ng Pilipinas na maiunlad ang ekonomiya ng bansa sa bahagi ng turismo, nararapat lamang na aksyonan ng gobyerno ang tumataas na peligro ng polusyon sa bansa. Katubigan ang unang nakikita sa ating bansa, at katubigan din dapat ang una natin protektahan.